Tag Archives: tale

‘n Stad met veel tale

Koerante

Vir elke taal 'n koerant

Vandag loop ek by Charing Cross stasie en buite is al die gratis vreemde talige koerante wat beskikbaar in Londen is. Dit sluit Russies, Italiaans, Bengaals, Litaus, Portugees, Spaans, Roemeens, Frans, Arabies en Pools in en ek weet daar’s veel meer maar ek is onseker watter ander tale. Daar was ook ‘n Duitse koerant maar ek vergeet nou die naam. As daar genoeg mense is, is daar gewoonlik ‘n koerant maar ongelukkig het die Afrikaanse koerant Die Stem ‘n paar jare gelede gevou so lees ons nou ‘n half-blad elke week in The South African.

Gisteraand gesels ek met vriende oor die “wêreld stede”. Na ons mening is daar tans net twee, New York en Londen. Wat ons bedoel is, kan jy in hierdie stede mense vind wat uit elke land in die wêreld kom. Ek werk nou in Elephant and Castle en dis die sentrum van die Colombiaanse gemeenskap in Londen. Daar’s ‘n restaurant, deli en klein winkel en dis vol mense uit al die Suid-Amerikaanse lande en jy hoor veel mense wat Spaans praat. Daar’s ook ‘n Poolse restaurant – dis smaaklik – en kos winkels uit Wes-Afrika lande en die Karibiese eilande en naby is daar ‘n Boliviaanse restaurant. Soos jy sou dink eet ek nou soos ‘n konig as ek by die werk is!

So bly ek nou al 12 jare lank in Londen en ek moet nuwe tale begin leer sodat ek elke geleentheid kan neem om hulle hier te praat. Nou moet ek net besluit wat ek wil leer.

‘n Nuwe jaar miskien ook ‘n nuwe taal

Ek het hierdie naweek besluit om ‘n bietjie Spaans te begin leer want ek dink dis ‘n nuttige taal om te ken as jy op vakansie wil gaan. Soos ek vroeër geskryf het wil ek hiedie jaar na Gibraltar en Spanje toe gaan so dit sal help – maar nie so veel soos om eintlik die kaartjies te koop nie – en ook dis ‘n groeiende taal in VSA. Volgende maand gaan ons terug na Las Vegas toe vir ‘n vriend se trou en jy hoor net hoeveel mense daar Spaans praat. Natuurlik sal ek nie vlot binne drie weke word nie, maar ek wil net ‘n goeie kennis kry, genoeg om te gebruik as ek oorsee is. Toe ek op skool was, moes ek Spaans vir drie jare leer en ek het ‘n A in die GCSE eskamen gekry toe ek 16 was, so het ek reeds ‘n klein kennis. Gisteraand het ek begin en onthou genoeg, so sal ek ‘n beitjie elke paar dae leer. Dis nie ‘n moeilike taal om te leer nie en daar’s genoeg geleenthede om dit in Londen te praat.

Ek het gedink oor watter taal om te probeer leer. Ek wil nie Duits heeltemal vergeet nie so moet ook elke af en toe ‘n bietjie leer en oefen. My probleem is – okei een van my veel probleme – is dat ek nooit ‘n beslissing kan maak nie. Ek is vol idees maar selde doen ek hulle. Ek wil ook ‘n bietjie Serwo-Kroaties leer maar die grammatika lyk moeiliker as dié waaraan ek gewoond is en moeiliker as dié wat ek wil sukkel leer!

Ek het ook ‘n bietjie oor Esperanto gelees. Ek hou baie van die idee van Esperanto en kunsmatige tale; dit lyk maklik, logies en ek lees dat ‘n kennis daarvan met die aanleer van ander tale sal help; dit is dalk slegs Esperantists wat só sê. Ek het eintlik ‘n klein boek oor die aanleer van Esperanto in Afrikaans, wat baie goedkoop op Ebay was maar ek kan nie sê ek sal leer nie. Maar ek moet sê ek hou ook van die feit dat daar ‘n paar ander nuwe tale soos Ido, Novial en Interlingue wat verwant aan Esperanto is en die proses oor hoe om ‘n taal te skep, fasineer my. Ek sien ook daar’s ‘n Suid-Afrikaanse Esperanto vereniging, so sterkte aan hulle.

Nee, dis makliker om tale te leer wat miljoene ander mense praat. Ek voel hierdie keer ek moet ‘n taal leer wat baie nuttig is, wat mense ken sodat ek moet nie verduidelik hoekom nie!

En ja, ek moet ook rekeningkunde leer.