So vandag het ek motivering om BPP toe te kom om ‘n bietjie studie te doen en nou skyn die son en dis warm en so baie mooi buitelug! Dit pla my so veel. Al wat ek kan sê is hoe meer ek nou doen hoe groter die kans is dat ek gaan slaag en dan kan ophou studeer. Ook sit dieselfde klompie mense in die studie kamer soos elke aand en elke naweek so is ek nie alleen in my pogings nie.

Vanaand gaan ek na ‘n Afrikaanse tjommie se braai toe wat ‘n geleentheid gaan wees om Afrikaans te praat so dis iets lekker om daarna uit te sien.

Die weer word nou baie mooi en warm en soos jy so verwag, het ek al my motivering verloor om te gaan studeer. Dis nie ‘n probleem in die aand na werk nie want dit raak donker en my skool is naby werk, maar vandag lyk dit so lekker dat ek net in park wil sit en ontspan. Ek twyfel ek is tans die enigste leerling wat só dink.