Dis laat en môre is ‘n nuwe week

Ek het vandag ‘n epos van Die Stem ontvang – dis die gratis maandelikse Afrikaanse koerant in die VK. ‘n Ou in ons Afrikaanse koffiekroeg het ‘n brief vir hulle geskryf oor sy ervaaring as Nederlandssprekender om Afrikaans te leer en hy noem ons, dus wil hulle ‘n bietjie meer inligting oor die groep kry om tesame met die brief te publiseer. Dis so ‘n goeie geleentheid om die groep te bevorder en nuwe mense te bereik.

‘n Vriend het my vandag gebel wat na Pretoria vir drie maande se werk vlieg. Natuurlik is ek baie jaloers (en beïndruk) maar sy besef nie dat ek nou haar sal vra om Afrikaanse goed vir my te kry nie!